കോഴിക്കോട്
കൊൽക്കത്തയിൽ ഞായറാഴ്ച തുടങ്ങുന്ന ഐഎഫ്എ ഷീൽഡ് ഫുട്ബോളിനായി ഗോകുലം കേരള എഫ്സി ഇന്ന് പുറപ്പെടും. ആദ്യ കളി കൊൽക്കത്തയിലെ യുണൈറ്റഡ് സ്പോർട്സ് ക്ലബ്ബുമായാണ്. 12ന് ബിഎസ്എസ് സ്പോർട്ടിങ്ങുമായി മത്സരിക്കും. 12 ടീമുകൾ നാലു ഗ്രൂപ്പായി തിരിഞ്ഞാണ് മത്സരം. നാല് ഐ ലീഗ് ടീമുകളും എട്ട് കൊൽക്കത്ത പ്രീമിയർ ഡിവിഷൻ ടീമുകളും പുരാതന ടൂർണമെന്റിന്റെ 123–ാം പതിപ്പിൽ അണിനിരക്കും.
ഘാനയുടെ ദേശീയതാരം മുഹമ്മദ് അവൽ ഈ സീസണിൽ ഗോകുലത്തെ നയിക്കും. പ്രതിരോധക്കാരനാണ് ഈ മുപ്പത്തിമൂന്നുകാരൻ. മലയാളി ഗോൾകീപ്പർ സി കെ ഉബെെദാണ് വൈസ്‌ ക്യാപ്റ്റൻ. കളിക്കാർക്കിടയിൽ നടത്തിയ വോട്ടെടുപ്പിലാണ് ചുമതലക്കാരെ നിശ്ചയിച്ചത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
