അബുദാബി> കോവിഡ് രോഗം നിയന്ത്രണത്തിലാക്കി അബുദാബി സാധാരണ ജീവിതത്തിലേക്ക് തിരിച്ചു വരുന്നു. കോവിഡ് ചികിത്സ നൽകിയിരുന്ന നിരവധി ആശുപത്രികൾ കോവിഡ് വിമുക്തമായതായി കഴിഞ്ഞദിവസം അബുദാബി ആരോഗ്യമന്ത്രാലയം പ്രഖ്യാപിച്ചിരുന്നു.
കോവിഡ് വ്യാപനം ശക്തിപ്പെട്ട സാഹചര്യത്തിൽ മൂന്നാഴ്ചകൊണ്ട് പണികഴിപ്പിച്ച ഫീൽഡ് ആശുപത്രിയായിരുന്നു ദുബായ് പാർക്സ് ആൻഡ് റിസോർട്ട്സ് ഫീൽഡ് ആശുപത്രി. 1200 പേർക്ക് ചികിത്സ ലഭ്യമാക്കുന്ന ഈ ആശുപത്രിയിൽ ഏപ്രിൽ 24ന് ആദ്യത്തെ രോഗി എത്തി. ദുബായ് അബുദാബി അതിർത്തിയിലുള്ള ഈ ആശുപത്രിയിൽ മൂവ്വായിരത്തിൽ താഴെ രോഗികളാണ് ചികിത്സ തേടിയെത്തിയത്. ജൂൺ മാസത്തിൽ പ്രവേശിപ്പിച്ച അവസാനത്തെ രോഗിയും യാത്രയായതോടെ ആഘോഷ ആരവങ്ങളോടെയാണ് ആശുപത്രിയുടെ അടച്ചുപൂട്ടൽ ചടങ്ങുകൾ നടന്നത്
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
