മാരാരിക്കുളം > ജില്ലാ കലക്‌ടർ ചുമതല ഏറ്റെടുത്ത ശേഷം ലഭിച്ച ആദ്യ ശമ്പളം ആലപ്പുഴയിലെ പ്രമുഖ പാലിയേറ്റീവ് സംഘടനയായ സ്‌നേഹജാലകത്തിന് നൽകി ആലപ്പുഴ ജില്ലാ കലക്‌ടർ കൃഷ്‌ണ തേജ. അദ്ദേഹത്തിൻ്റെ ക്യാമ്പ് ഓഫീസിൽവെള്ളിയാഴ്ച്ച കലക്‌ടറുടെയും ഭാര്യ രാഗ ദീപയുടെയും സാന്നിധ്യ ത്തിൽമകൻറിഷിത് നന്ദയുടെ കയ്യിൽനിന്നും സ്നേഹജാലകം പ്രസിഡൻ്റ് എൻ പി സ്നേഹജൻ ചെക്ക് ഏറ്റുവാങ്ങി. കലക്‌ടറുടെ മകൻ റിഷിത് നന്ദയുടെ ജന്മദിന ദിവസമായിരുന്നു ഈ മാതൃകാപ്രവർത്തനം. സ്നേഹജാലകം ഭാരവാഹികളായ ആർ പ്രവീൺ, ജോയി സെബാസ്റ്റ്യൻ, ജയൻ തോമസ്, വി കെ സാനു എന്നിവരും ഒപ്പം ഉണ്ടയിരുന്നു.
വിശപ്പ് രഹിത കേരളം പദ്ധതിക്കുതന്നെ വഴികാട്ടിയാവും വിധം ക്യാഷ്യറോ പണപ്പെട്ടിയോ ഇല്ലാത്ത കേരളത്തിലെ ആദ്യത്തെ ജനകീയ ഭക്ഷണശാലയും കേരളത്തിലെ ആദ്യത്തെ ജനകീയ ലബോറട്ടറിയും അടക്കം നൂതനങ്ങളായ അനവധി പാലിയേറ്റീവ് സംരംഭങ്ങൾക്ക് തുടക്കം കുറിച്ച സംഘടനയാണ് സി ജി ഫ്രാൻസീസ് സ്‌മാരക ട്രസ്റ്റിനു കീഴിലുളള്ള സ്നേഹജാലകം.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
