ശബരിമല > ദർശനത്തിനെത്തിയ എറണാകുളം സ്വദേശി മലകയറുന്നതിനിടെ ഹൃദയാഘാതത്തെതുടർന്ന്‌ മരിച്ചു. വൈപ്പിൻ പള്ളിപ്പുറം കോവിലകത്തുംകടവ്‌ കളത്തിൽ മൽഘോഷാണ്‌ (45) മരിച്ചത്‌. പകൽ പന്ത്രണ്ടോടെ മലകയറുന്നതിനിടെ അപ്പാച്ചിമേടിനുസമീപത്തുവച്ച്‌ നെഞ്ചുവേദന അനുഭവപ്പെട്ടു. തലവേദനയും ഛർദിലുംമൂലം വിശ്രമിക്കുന്നതിനിടെയായിരുന്നു നെഞ്ചുവേദന.
സമീപത്തെ കാർഡിയാക്‌ സെന്ററിലെത്തിച്ച്‌ നടത്തിയ പരിശോധനയിൽ ഹൃദയമിടിപ്പ്‌ കുറവാണെന്ന്‌ കണ്ടെത്തി. ഉടനെ പമ്പയിലെ ഗവ. ആശുപത്രിയിൽ എത്തിച്ചെങ്കിലും മരിച്ചു. മുനമ്പം ഹാർബറിൽ സിഐടിയു യൂണിയനിലെ മത്സ്യ കയറ്റിറക്ക്‌ തൊഴിലാളിയായ മൽഘോഷ്‌ സഹോദരങ്ങൾക്ക്‌ ഒപ്പമാണ്‌ ശബരിമലയിലെത്തിയത്‌. കഴിഞ്ഞയാഴ്ച നെഞ്ചുവേദനയെതുടർന്ന്‌ ആശുപത്രിയിൽ പ്രവേശിപ്പിച്ചിരുന്നു. മൃതദേഹം നടപടികൾ പൂർത്തിയാക്കി ബന്ധുക്കൾക്ക്‌ വിട്ടുനൽകി. സംസ്‌കാരം ഞായർ രാവിലെ ഒമ്പതിന്‌ വീട്ടുവളപ്പിൽ. ഭാര്യ: എസ്റ്റിലിറ്റ. മക്കൾ: നിവേദിത, മിസ്‌പ.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
