ബത്തേരി
നവരാത്രി സംഗീത കച്ചേരിയിൽ വയലിനിൽ വിസ്മയം തീർത്ത്‌ അമേരിക്കൻ വയലിനിസ്റ്റ്. തിങ്കൾ വൈകിട്ട്‌ മഹാഗണപതി ക്ഷേത്രത്തിൽ നൃത്തവിദ്യാലയം ഒരുക്കിയ ബിലഹരി ഫ്യൂഷനിലാണ്‌ അമേരിക്കക്കാരനായ ഗ്രിഗറി അലിസൺ വയലിൻ ഡ്യൂയറ്റ്‌ അവതരിപ്പിച്ച്‌ സദസ്സിന്റെ കൈയടി നേടിയത്‌. സംഗീതത്തിലെ ബഹുമുഖ പ്രതിഭയായ ഗ്രിഗറി ചെറുപ്രായത്തിൽ തന്നെ പിയാനോയിലും വെസ്‌റ്റേൺ വയലിൻ സംഗീതത്തിലും കഴിവുതെളിയിച്ച വ്യക്തിയാണ്‌. നിരവധി ഹോളിവുഡ്‌ ചിത്രങ്ങൾക്കും പശ്ചാത്തല സംഗീതമൊരുക്കി. ബർക്കിലി കോളേജ്‌ ഓഫ്‌ മ്യൂസിക്കിൽനിന്ന്‌ ബിരുദം നേടിയ ഇദ്ദേഹം അഭിനയരംഗത്തും കഴിവുതെളിയിച്ചു. നിരവധി ആൽബങ്ങളും പുറത്തിറക്കി. 2014ൽ പോർട്ട്‌ലാൻഡിൽ പേരൂർ ഇ ബി ജയപ്രകാശിന്റെ ശിക്ഷണത്തിലാണ്‌ ഇന്ത്യൻ കർണാട്ടിക്‌ വയലിനിൽ പഠനം ആരംഭിച്ചത്‌. ഇന്ത്യയിൽ ആദ്യമായാണ്‌ ബത്തേരിയിൽ ഗ്രിഗറി അലിസൺ സംഗീതപരിപാടി അവതരിപ്പിച്ചത്‌.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
