മങ്കട
മുൻ ദേശീയ ഫുട്ബോൾ താരം മക്കരപ്പറമ്പിലെ കാവുങ്ങൽ അബ്ദുൾ അസീസിന്റെ (മലപ്പുറം അസീസ്) വീട് എൽഡിഎഫ് കൺവീനർ എ വിജയരാഘവൻ സന്ദർശിച്ചു. സർവീസസ്, കർണാടക, മുഹമ്മദൻസ് സ്‌പോർട്ടിങ് ടീമുകളുടെ ക്യാപ്റ്റനായിരുന്ന അസീസ് കഴിഞ്ഞ ഞായറാഴ്ചയാണ് അന്തരിച്ചത്.
വ്യാഴം രാവിലെ പത്തോടെയാണ് വിജയരാഘവൻ അസീസിന്റെ വീട്ടിലെത്തിയത്. അസീസുമായി വർഷങ്ങളായുള്ള സൗഹൃദം മൂത്ത മകളായ ആശിദ, ഭാര്യാ സഹോദരൻ അബ്ബാസ് കുറ്റിപുളിയൻ എന്നിവരുമായി പങ്കുവച്ചു. ഒരു മണിക്കൂറിലേറെ വീട്ടിൽ ചെലവഴിച്ചാണ് വിജയരാഘവൻ മടങ്ങിയത്. സിപിഐ എം മങ്കട ഏരിയാ സെക്രട്ടറി പി കെ അബ്ദുള്ള നവാസ്, കെ വാസുദേവൻ, കെ ഫിറോസ് ബാബു, അബ്ദുൾ അസീസ്, തസ്നീം, അനീസ് എന്നിവർ ഒപ്പമുണ്ടായി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
