കൊല്ലം
നിർമാണത്തിലുള്ള ഹോട്ടൽ കെട്ടിടത്തിന്റെ ലിഫ്റ്റ് പൊട്ടിവീണ് ഉടമയും ബന്ധുക്കളും ഉൾപ്പെടെ ഏഴു പേർക്ക് പരിക്കേറ്റു. ചിന്നക്കട ബീച്ച് റോഡിൽ പ്രവർത്തിക്കുന്ന റാഹത്ത് ഹോട്ടലിന്റെ നിർമാണത്തിലിരിക്കുന്ന പുതിയ കെട്ടിടത്തിൽ ഞായർ പകൽ 3.40നായിരുന്നു അപകടം. ഹോട്ടലിന്റെ ഉടമകളിലൊരാളായ കൊട്ടിയം പറക്കുളം സ്വദേശി റെജി (37), മുത്തച്ഛൻ മിസ്ഹാബുദീൻ (87), ബന്ധുക്കളായ റിയാസ്, ഷൈല, സപ്ന, റോഷ്നി എന്നിവർക്കും സൂപ്പർവൈസർ അനീഷിനുമാണ് പരിക്കേറ്റത്. കാലുകൾക്ക് പരിക്കേറ്റ ഇവരെ ഉടനെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. ഗുരുതര പരിക്കേറ്റ മിസ്ഹാബുദീനെയും ഷൈലയെയും കൊല്ലം ഗവ. മെഡിക്കൽ കോളേജ് ആശുപത്രിയിലേക്ക് മാറ്റി. ഹോട്ടലിന്റെ പുതിയ കെട്ടിടം കാണാന് എത്തിയതായിരുന്നു ഉടമയും ബന്ധുക്കളും. പിറകിലുള്ള സർവിസ് ലിഫ്റ്റിൽ ഒന്നാം നിലയിൽ എത്തിയപ്പോൾ റോപ്പ് പൊട്ടി ലിഫ്റ്റ് താഴേക്കു പതിക്കുകയായിരുന്നു.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..