കാട്ടാക്കട
അച്ഛൻ വീണ്ടും വിവാഹം കഴിക്കുന്നതിന്റെ വിരോധത്തില് മകന് വീട് അടിച്ചുതകര്ത്തതായി പരാതി. കുരുതംകോട് സ്വദേശി മനോഹരനാണ് പരാതി നൽകിയത്. മകന് സനല്കുമാറും സുഹൃത്തുക്കളും വീടിന്റെ ജനല്ച്ചില്ലുകള് അടിച്ചുതകര്ക്കുകയും 45,000 രൂപ അപഹരിച്ചതായും വസ്ത്രങ്ങളും അഞ്ച് നാടന് കോഴികളെ മോഷ്ടിച്ചതായും പരാതിയിലുണ്ട്. ഒറ്റയ്ക്ക് താമസിക്കുന്ന താന് വീണ്ടും വിവാഹം കഴിക്കാന് തീരുമാനിച്ചതിന്റെ വിരോധത്തിലാണ് മകന് ആക്രമണം നടത്തിയതെന്നാണ് മനോഹരന് പറയുന്നത്.
ഭാര്യ മരിച്ചതിനുശേഷം മനോഹരന് ഒറ്റയ്ക്കാണ് താമസം. മകനും മകള്ക്കും പാരമ്പര്യമായി നല്കാനുള്ള സ്വത്തുക്കളെല്ലാം നേരത്തെ വീതിച്ചുനല്കി. താമസിക്കുന്ന വീടും സ്ഥലവും താന് അധ്വാനിച്ചുണ്ടാക്കിയതാണ്. ഭാര്യ മരിച്ചതോടെ തന്റെ കാര്യങ്ങള് നോക്കാന് ആരുമില്ലെന്നും അതിനാലാണ് വിവാഹം കഴിക്കാനുള്ള ആഗ്രഹം അറിയിച്ചതെന്നും മനോഹരന് പരാതിയിൽ പറയുന്നു.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..