മലപ്പുറം > കൊണ്ടോട്ടി കൊട്ടൂക്കരയില് പട്ടാപ്പകല് കോളേജ് വിദ്യാര്ഥിനിയെ പീഡിപ്പിക്കാന് ശ്രമിച്ച സംഭവത്തില് പ്രതി പിടിയില്. പെണ്കുട്ടിയുടെ നാട്ടുകാരനായ പതിനഞ്ച് വയസുകാരനാണ് പിടിയിലായത്. പ്രതി കുറ്റം സമ്മതിച്ചതായി പൊലീസ് പറഞ്ഞു. പ്രതിയെ കണ്ടാല് തിരിച്ചറിയുമെന്ന് പെണ്കുട്ടി നേരത്തെ വ്യക്തമാക്കിയിരുന്നു. സിസിടിവി ദൃശ്യങ്ങളാണ് പ്രതിയെ പിടികൂടാൻ സഹായിച്ചത്.
തിങ്കളാഴ്ച ഉച്ചയ്ക്ക് പഠനാവശ്യത്തിനായി പുറത്ത് പോയ പെണ്കുട്ടിയെ ആളൊഴിഞ്ഞ വയലോരത്ത് കാത്തുനിന്ന് പ്രതി കീഴ്പ്പെടുത്താന് ശ്രമിക്കുകയായിരുന്നു. രക്ഷപ്പെടാന് ശ്രമിച്ച പെണ്കുട്ടിയെ മുഖത്ത് കല്ലുകൊണ്ടിടിച്ചു പരിക്കേല്പ്പിച്ചു. കുതറിമാറിയ പെണ്കുട്ടി തൊട്ടടുത്ത വീട്ടിലേക്ക് ഓടിക്കയറുകയായിരുന്നു.
ദേഹത്താകെ മണ്ണ് പറ്റിയിരുന്നതായും കൈകള് കെട്ടുകയും ഷാള് പെണ്കുട്ടിയുടെ വായ്ക്കുള്ളില് കുത്തിക്കയറ്റിയിരുന്നവെന്നും ദൃക്ഷസാക്ഷികള് പറഞ്ഞു. വെളുത്ത് തടിച്ച് മീശയും താടിയും ഇല്ലാത്ത ആളാണ് പ്രതിയെന്ന് പെണ്കുട്ടി പറഞ്ഞു. പ്രതിയെ പെണ്കുട്ടി മുമ്പ് കണ്ടിട്ടുണ്ടെന്നും അവര് വ്യക്തമാക്കിയിരുന്നു. പരിസരങ്ങളിലെ സിസിടിവി ക്യാമറ ദൃശ്യങ്ങള് ഉള്പ്പെടെയുള്ള വിവരങ്ങള് പൊലീസ് ശേഖരിച്ചിരുന്നു.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..