കൊച്ചി : അഭിലാഷ് രാഘവൻ രചനയും സംവിധാനം നിർവഹിച്ച പ്രതിഭാ ട്യൂട്ടോറിയൽസ്' - എന്ന ചിത്രത്തിൻ്റെ ഫസ്റ്റ്ലുക്ക്‌ പോസ്റ്റർ പ്രശസ്ത താരങ്ങളുടെ പേജ് മുഖേനയാണ് പുറത്തിറങ്ങി. കോഴിക്കോട്ടെ കോടഞ്ചേരിയിലും എറണാകുളത്തുമായി ചിത്രീകരണം പൂർത്തിയായി.
ഗുഡ് ഡേമൂവീസിന്റെയും അനാമിക മൂവീസ്സിൻ്റെയും ബാനറിൽ എ.എം.ശ്രീലാൽ പ്രകാശനും ജോയി അനാമികയും ചേർന്നാണ് ചിത്രം നിർമ്മിക്കുന്നത്. പ്രതിഭ ട്യൂട്ടോറിയൽ കോളജും അധ്യാപകരുടെയും വിദ്യാർത്ഥികളുടെയും കഥ പറയുന്ന ചിത്രം ഹാസ്യത്തിന്റെ മേമ്പൊടിയോട് കൂടിയാണ് അവതരിപ്പിച്ചിരിക്കുന്നത്. സുധീഷ്, നിർമ്മൽ പാലാഴി ,ജോണി ആൻ്റണി, പാഷാണം ഷാജി, അൽത്താഫ് സലിം ,ശിവജി ഗുരുവായൂർ, ജാഫർ ഇടുക്കി, അപ്പുണ്ണിശശി, വിജയകൃഷ്ണൻ, (ഹൃദയം ഫെയിം) എൽദോ രാജു ( ഓപ്പറേഷൻ ജാവ ഫെയിം) മണികണ്ഠൻ, അഞ്ജനാ അപ്പുക്കുട്ടൻ, ടീനാ സുനിൽ, പ്രീതി രാജേന്ദ്രൻ, മഹിതാ കൃഷ്ണ, ജ്യോതി കൃഷ്ണ എന്നിവർക്കൊപ്പം പാടാത്ത പൈങ്കിളി എന്ന ജനപ്രിയ പരമ്പരകളിലൂടെ ശ്രദ്ധേയനായ സൂരജ്സണ്ണും ബോളിവുഡ് നായിക സ്വാതിയും പ്രധാന വേഷമണിയുന്നു.
മനു മഞ്ജിത്ത്, ഹരി നാരായണൻ, ഹരിതാ ഹരി ബാബു എന്നിവരുടെ ഗാനങ്ങൾക്ക് കൈലാസ് മേനോൻ ഈണം പകർന്നിരിക്കുന്നു. മുംബൈ സംഗീതഞജനായ രാംനാഥ് ഗോപാൽ ചിറ്റപ്പെടുത്തിയ ഒരു ഹിന്ദി സോങ്ങും ചിത്രത്തിൽ ഉൾപ്പെടുത്തിയിരിക്കുന്നു. രാഹുൽ സി.വിമല ഛായാഗ്രാണവും റെജിൻ കെ.കെ.എഡിറ്റിംഗും കലാസംവിധാനം -മുരളി ബേപ്പൂർ ,മേക്കപ്പ്.രാജൻ മാസ്ക്ക്. കോസ്റ്റ്യും - ഡിസൈൻ ചന്ദ്രൻ ചെറുവണ്ണൂർ. ചീഫ് അസ്സോസ്സിയേറ്റ് ഡയറക്ടർ .ജയേന്ദ്ര ശർമ്മ. പ്രൊഡക്ഷൻ എക്സിക്കുട്ടീവ് -നിഷാന്ത് പന്നിയങ്കര . പ്രൊഡക്ഷൻ കൺട്രോളർ- നിജിൽ ദിവാകർ.സ്റ്റിൽസ് - ലിയോ കുഞ്ഞച്ചൻ പി ആർ ഓ എം കെ ഷെജിൻ.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
