ടിക് ടോക്കിനെ നേരിടാൻ ഫയർവർക്ക്‌
ലോകത്താകമാനം 50കോടി പ്രതിമാസ ഉപയോക്താക്കളുള്ള ചൈനീസ്‌ ആപ് ടിക് ടോക്കിനെ പൂട്ടാൻ ഗൂഗിൾ. ടിക് ടോക്കിന്‌ സമാനമായ വീഡിയോ ആപ് ആയ ഫയർവർക്കിനെ ഗൂഗിൾ വാങ്ങും. കലിഫോർണിയയിലെ റെഡ്‌വുഡ്‌ സിറ്റി ആസ്ഥാനമായി പ്രവർത്തിക്കുന്ന ആപ്പാണ്‌ ഫയർവർക്ക്‌. ചൈനീസ്‌ ട്വിറ്റർ എന്ന്‌ അറിയപ്പെടുന്ന വെയ്‌ബോയും ഫയർവർക്കിനെ വിലയ്‌ക്ക്‌ വാങ്ങാൻ ശ്രമിച്ചിരുന്നു. എന്നാൽ, ഗൂഗിൾതന്നെ ഫയർവർക്കിനെ സ്വന്തമാക്കുമെന്നാണ്‌ പുറത്തുവരുന്ന റിപ്പോർട്ടുകൾ. 100 കോടിയോളം പേരാണ്‌ നിലവിൽ ടിക്‌ടോക്‌ ഡൗൺലോഡ്‌ ചെയ്തിരിക്കുന്നത്‌. 200 കോടി ഉപയോക്താക്കളുള്ള യൂട്യൂബിന് ടിക് ടോക് വന്‍ വെല്ലുവിളിയായി. ഇതോടെയാണ് ഫയർവർക്ക്‌ വാങ്ങാൻ ഗൂഗിൾ തീരുമാനിച്ചത്‌. ടിക്‌ടോക്കിന്‌ സമാനമായി കഴിഞ്ഞ വർഷം ഫെയ്‌സ്‌ബുക്കും ലാസ്സോ എന്ന ആപ് പുറത്തിറക്കി. Read on deshabhimani.com