പടിഞ്ഞാറൻ നൈജറിൽ ഭീകരാക്രമണം: 69 മരണം
നിയാമെ ആഫ്രിക്കൻ രാജ്യമായ നൈജറിൽ ഭീകരവാദികളുടെ വെടിവയ്പില് മേയർ ഉൾപ്പെടെ 69 പേർ കൊല്ലപ്പെട്ടു. മാലി അതിർത്തിയോടു ചേർന്ന് തെക്കുപടിഞ്ഞാറ് ഭാഗത്ത് തില്ലബെറിയിലെ അദാബ്-ദാബ് എന്ന ഗ്രാമത്തിലാണ് ആക്രമണം നടന്നത്. മേഖലയില് ഭീകരര് എത്തിയിട്ടുണ്ടെന്ന് വിവരം ലഭിച്ചതിനെത്തുടര്ന്ന് തിരച്ചിലിനെത്തിയ സൈന്യത്തിലെയും പ്രാദേശിക പ്രതിരോധ സേനയിലെയും അംഗങ്ങളാണ് കൊല്ലപ്പെട്ടത്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. ബൈക്കിലെത്തിയ ഐഎസ് ഗ്രേറ്റർ സഹാറയുടെ തീവ്രവാദികളാണ് ആക്രമണത്തിനു പിന്നിലെന്ന് ഗ്രാമവാസികള് പറയുന്നു. Read on deshabhimani.com