നിസ്സാന്‍ മാഗ്‌നൈറ്റ് ബിഎസ്‌യുവി അവതരിപ്പിച്ചു
കൊച്ചി നിസ്സാൻ മോട്ടോർ പുതിയ ബി--എസ്‌യുവിയുടെ കൺസെപ്റ്റ് പതിപ്പ് അവതരിപ്പിച്ചു. നിസ്സാൻ മാഗ്‌നൈറ്റ് എന്ന ഈ വാഹനം സാങ്കേതികവിദ്യയാൽ സമ്പന്നവും നൂതന രൂപകൽപ്പനയിലുള്ളതായിരിക്കുമെന്നും ഈ വർഷം അവസാനത്തോടെ ഇന്ത്യൻ വിപണിയിലെത്തുമെന്നും കമ്പനി അറിയിച്ചു. ജപ്പാനിൽ രൂപകൽപ്പന ചെയ്യുന്ന വാഹനം ഇന്ത്യയിലാണ് നിർമിക്കുക. ഇന്ത്യൻ ഉപയോക്താക്കളുടെ ആവശ്യങ്ങളും താൽപ്പര്യങ്ങളും കണക്കിലെടുത്തായിരിക്കും രൂപകൽപ്പന. കട്ടിങ്‌ എഡ്ജ് സാങ്കേതികവിദ്യയോടെ എത്തുന്ന മാഗ്‌നൈറ്റ് ഈ വിഭാഗത്തിലെ പുതിയ അനുഭവമായിരിക്കുമെന്ന് നിസ്സാൻ മോട്ടോർ ഇന്ത്യ മാനേജിങ്‌ ഡയറക്ടർ രാകേഷ് ശ്രീവാസ്തവ പറഞ്ഞു. Read on deshabhimani.com