ലോകകപ്പ് ടിക്കറ്റുകൾ ഇന്നുമുതൽ വീണ്ടും
ദോഹ ഖത്തർ ലോകകപ്പിന്റെ മൂന്നാംഘട്ടം ടിക്കറ്റ് വിൽപ്പന ഇന്ന്‌ പകൽ 2.30ന്‌ ആരംഭിക്കും. ആവശ്യക്കാർക്ക് ഓൺലൈൻവഴി ബുക്ക് ചെയ്ത് ഉടൻ പണമടച്ച് ടിക്കറ്റ് സ്വന്തമാക്കാം. Fifa.com/tickets എന്ന വെബ്‌സൈറ്റുവഴിയുള്ള ടിക്കറ്റ് വിൽപ്പന ആഗസ്ത് 16 വരെ തുടരും. കഴിഞ്ഞ രണ്ടുഘട്ടത്തിലായി 18 ലക്ഷം ടിക്കറ്റുകൾ വിറ്റഴിഞ്ഞു. നാലരക്കോടിയിലേറെ പേർ ടിക്കറ്റിനായി അപേക്ഷിച്ചു. കാൽലക്ഷത്തോളം ഇന്ത്യക്കാർക്ക്‌ ടിക്കറ്റ് ലഭിച്ചതായാണ്‌ കണക്ക്‌. ഏറ്റവുമധികം മലയാളികൾ നേരിട്ടുകാണുന്ന ലോകകപ്പാവും ഇത്തവണത്തേത്. നവംബർ 21 മുതൽ ഡിസംബർ 18 വരെ ഖത്തറിലെ എട്ട് സ്റ്റേഡിയങ്ങളിലാണ് ഇരുപത്തിരണ്ടാമത്തെ ലോകകപ്പ്. Read on deshabhimani.com