ഗള്‍ഫില്‍ രോഗികള്‍ 45,000; 263 മരണം ; ഏറ്റവും കൂടുതൽ മരണം സൗദിയിൽ
മനാമ ആറ്‌ ഗൾഫ് രാജ്യങ്ങളിലായി 45,864 പേർക്ക് കോവിഡ് സ്ഥിരീകരിച്ചു. 263 പേർ മരിച്ചു. ഞായറാഴ്ച ഒമ്പതുപേർ മരിച്ചു. 3008 പേർക്ക് രോഗം സ്ഥിരീകരിച്ചു. സൗദി, യുഎഇ, ഖത്തർ എന്നീ രാജ്യങ്ങളിൽ കോവിഡ് ബാധിതർ പതിനായിരത്തിനു മുകളിലായി.സൗദിയിലാണ് ഏറ്റവും കൂടുതൽ മരണം–- -139 പേർ. യുഎഇയിൽ 76, കുവൈത്ത് -20, ഖത്തർ -10, ഒമാൻ -10, ബഹ്‌റൈൻ -8 എന്നിങ്ങനെയാണ് മരണം.യുഎഇയിൽ ഞായറാഴ്ച മലയാളിയടക്കം അഞ്ചുപേർ മരിച്ചു. 536 പേർക്കാണ്‌ പുതുതായി രോഗം. സൗദിയിൽ മൂന്നുപേർകൂടി മരിച്ചു. രോഗികൾ 17,522. കുവൈത്തിൽ 53 ഇന്ത്യക്കാരക്കടം 183 പേർ, ഖത്തറിൽ 929, ഒമാനിൽ 93, ബഹ്‌റൈനിൽ 44 പേർക്കും പുതുതായി രോഗം സ്ഥിരീകരിച്ചു. Read on deshabhimani.com