മിഡിൽ ഈസ്റ്റിലെ ഏറ്റവും മികച്ച ചെലവ് കുറഞ്ഞ എയർലൈനുള്ള അവാർഡ് എട്ടാം തവണയും ഫ്ലൈനാസ് വേൾഡ് ട്രാവലിന്
റിയാദ് > മിഡിൽ ഈസ്റ്റിലെ മുൻനിര എയർലൈൻ ആയ സൗദി എയർ കാരിയറായ ഫ്ലൈനാസ്, തുടർച്ചയായ എട്ടാം തവണയും, 2022-ലെ മിഡിൽ ഈസ്റ്റിലെ ഏറ്റവും മികച്ച ചെലവ് കുറഞ്ഞ എയർലൈൻ എന്ന വേൾഡ് ട്രാവൽ അവാർഡ് നേടി. ജോർദാൻ തലസ്ഥാനമായ അമ്മാനിൽ നടന്ന ചടങ്ങിലാണ് അവാർഡ് പ്രഖ്യാപിച്ചത്. 2022-ലെ മിഡിൽ ഈസ്റ്റിലെ ഏറ്റവും മികച്ച ചെലവ് കുറഞ്ഞ എയർലൈനെന്ന സ്കൈട്രാക്സ് അവാർഡ് തുടർച്ചയായി അഞ്ചാം തവണയും ഫ്ലൈനാസ് സ്വന്തമാക്കി ഒരു മാസത്തിന് ശേഷമാണ് ഈ അവാർഡ് ഫ്ലൈ നാസിനെ തേടിയെത്തിയത്. ഈ വർഷം, ടൂറിസം, ട്രാവൽ വ്യവസായ വിദഗ്ധരിൽ നിന്നുള്ള പ്രതിമാസ വോട്ടിംഗ് നമ്പറുകൾ അനുസരിച്ചാണ് അവാർഡുകൾ നൽകിയത്. Read on deshabhimani.com