രാജ്യത്ത്‌ ധാന്യം കെട്ടിക്കിടക്കുന്നു, ജനം പട്ടിണിയിൽ: യെച്ചൂരി
ന്യൂഡൽഹി > ഭക്ഷ്യധാന്യങ്ങൾ കേന്ദ്രസർക്കാർ ഗോഡൗണുകളിൽ കെട്ടിക്കിടന്ന്‌ നശിക്കുമ്പോഴാണ്‌ രാജ്യത്ത്‌ പട്ടിണി പെരുകുന്നതെന്ന്‌ സിപിഐ എം ജനറൽ സെക്രട്ടറി സീതാറാം യെച്ചൂരി. 2014ൽ നരേന്ദ്ര മോദി പ്രധാനമന്ത്രിയായപ്പോൾ ആഗോള പട്ടിണി സൂചികയിൽ ഇന്ത്യ 55–-ാം സ്ഥാനത്തായിരുന്നു. 2020ൽ 94–-ാം സ്ഥാനമായി. ഇപ്പോൾ 116 രാജ്യങ്ങളിൽ 101–-ാം സ്ഥാനത്തും. ലജ്ജാകരമാണിത്‌. പട്ടിണിയിൽ കഴിയുന്ന എല്ലാവർക്കും സൗജന്യമായി ഭക്ഷ്യധാന്യം വിതരണം ചെയ്യണം– യെച്ചൂരി ട്വീറ്റ് ചെയ്തു. ഇന്ത്യയുടെ സ്ഥാനം താഴ്‌ത്തിയത്‌ ഞെട്ടിക്കുന്ന നടപടിയാണെന്ന്‌ കേന്ദ്രസർക്കാർ പ്രതികരിച്ചു. സൂചിക തയാറാക്കാൻ ഉപയോഗിക്കുന്ന രീതിശാസ്‌ത്രം അശാസ്‌ത്രീയമാണെന്ന്‌ വനിതാ ശിശുക്ഷേമ മന്ത്രാലയം പ്രസ്‌താവനയിൽ ആരോപിച്ചു. Read on deshabhimani.com