ഇഡിയുടെ അധികാരം : സുപ്രീംകോടതി വിധി ആശങ്കാജനകം : യെച്ചൂരി
ന്യൂഡൽഹി കള്ളപ്പണം വെളുപ്പിക്കൽ നിരോധന നിയമത്തിന്‌ മോദി സർക്കാർ കൊണ്ടുവന്ന ഭേദഗതികൾ ശരിവച്ച സുപ്രീംകോടതി വിധി ആശങ്കാജനകമെന്ന്‌ സിപിഐ എം ജനറൽസെക്രട്ടറി സീതാറാം യെച്ചൂരി. എൻഫോഴ്‌സ്‌മെന്റ്‌ ഡയറക്ടറേറ്റിന്‌ മാരക അധികാരങ്ങൾ നൽകുന്ന ഭേദഗതികളാണ്‌ സുപ്രീംകോടതി ശരിവച്ചത്‌. രാഷ്ട്രീയഎതിരാളികളെ വേട്ടയാടാൻ ഇഡിയെ വ്യാപകമായി ഉപയോഗിക്കുന്ന അവസരത്തിൽ സുപ്രീംകോടതി വിധി ജനാധിപത്യത്തെയും പൗരാവകാശങ്ങളെയും സംബന്ധിച്ചിടത്തോളം വലിയ പ്രത്യാഘാതങ്ങൾ ഉണ്ടാക്കും.കുറ്റാരോപിതർ അവരുടെ നിരപരാധിത്വം തെളിയിക്കണമെന്ന വാദം അംഗീകരിക്കപ്പെട്ടതോടെ സ്വാഭാവിക നീതി തകിടംമറിഞ്ഞു. രാജ്യസഭയുടെ പരിശോധന ഒഴിവാക്കാൻ ധനബില്ലായാണ്‌ ഈ ഭേദഗതികൾ അവതരിപ്പിച്ചതെന്ന വസ്‌തുതയും ശ്രദ്ധേയമാണ്‌–- യെച്ചൂരി ട്വീറ്റ്‌ ചെയ്‌തു. Read on deshabhimani.com