സ്‌ത്രീവിരുദ്ധ പരാമർശം: മാപ്പ്‌ പറഞ്ഞ്‌ തടിതപ്പാൻ ബാബാ രാംദേവ്‌
മുംബൈ> സ്‌ത്രീവിരുദ്ധ പരാമർശം നടത്തിയതിൽ മാപ്പ്‌ പറഞ്ഞ്‌ തടിതപ്പാൻ ബാബാ രാംദേവ്‌. മഹാരാഷ്‌ട്ര വനിതാ കമീഷൻ നോട്ടീസയച്ചതിനു പിന്നാലെ മാപ്പ്‌ പറഞ്ഞ്‌ രംഗത്തെത്തി. പതഞ്ജലി യോഗപീഠവും മുംബൈ മഹിളാ പതഞ്ജലി യോഗസമിതിയും സംയുക്തമായി താനെയിൽ സംഘടിപ്പിച്ച യോഗ സയൻസ് ക്യാമ്പിലായിരുന്നു വിവാദ പ്രസ്‌താവന. ‘സ്‌ത്രീകൾ സാരിയിലും സൽവാർ സ്യൂട്ടിലും സുന്ദരികളാണ്. എന്റെ കണ്ണിൽ അവർ ഒന്നും ധരിച്ചില്ലെങ്കിലും സുന്ദരികളാണ്’– എന്നായിരുന്നു ബാബാ രാംദേവ്‌ പറഞ്ഞത്‌. ഇതിനെതിരെ ഡൽഹി വനിതാ കമീഷൻ ഉൾപ്പെടെ നിരവധി പേർ രംഗത്തെത്തിയിരുന്നു. Read on deshabhimani.com