കർണാടകത്തിൽ പച്ചക്കറിക്ക് തീവില
മംഗളൂരു കർണാടകത്തിൽ പച്ചക്കറിവില കുതിക്കുന്നു. കനത്തമഴയിൽ വ്യാപക കൃഷിനാശം ഉണ്ടായതോടെയാണ് പച്ചക്കറി വില വർധന രൂക്ഷമായത്. തക്കാളി കിലോക്ക്‌ 15 രൂപയായിരുന്നത് 45 രൂപയായി. മുരിങ്ങയ്ക്ക വില 50 രൂപയിൽനിന്ന് 150 രൂപയായി ഉയർന്നു. സാധാരണ ദസറ ഉത്സവസമയത്ത്‌ പച്ചക്കറിവില ക്രമാതീതമായി ഉയരാറുണ്ടെങ്കിലും രണ്ടാഴ്ചമുമ്പ് ഈ നിലയിലെത്തിയത് ജനങ്ങളെ ദുരിതത്തിലാക്കി. പച്ചക്കറിക്കായി നേരത്തേ 500 രൂപ ചെലവാക്കിയ ഇടത്ത് 1000 രൂപയിലധികം വേണമെന്ന സ്ഥിതിയാണെന്ന്‌ മംഗളൂരു ഇൻഫോസിസിൽ ജോലി ചെയ്യുന്ന പാലക്കാടുകാരൻ പി ആർ ഹരീഷ്‌ പറഞ്ഞു.പാലക്, ഉലുവ തുടങ്ങിയവയ്‌ക്കും ആപ്പിൾ, ഓറഞ്ച്‌ തുടങ്ങി പഴങ്ങൾക്കും വില കുതിച്ചുയരുകയാണ്. Read on deshabhimani.com