ഒറ്റദിനം 27000 കടന്ന് രോഗികള്‍ ; രോഗമുക്തി നിരക്ക്‌ 62.78 ശതമാനം
ന്യൂഡൽഹി രാജ്യത്ത് ദിവസേനയുള്ള രോഗികളുടെ എണ്ണം 27000 കടന്നതോടെ ഈയാഴ്‌ച ആകെ രോഗികള്‍ പത്തുലക്ഷമാകാന്‍ സാധ്യത. ആരോഗ്യമന്ത്രാലയത്തിന്റെ കണക്കുപ്രകാരം 24 മണിക്കൂറില്‍ 27114 രോഗികള്‍, 519 മരണം. തുടർച്ചയായി മൂന്നാം ദിവസവും കാല്‍ലക്ഷത്തിലേറെ രോഗികള്‍. 24 മണിക്കൂറില്‍ 19870 രോഗമുക്തര്‍. ആകെ രോഗമുക്തര്‍ 5.15 ലക്ഷം. ചികിത്സയില്‍ 2.83 ലക്ഷം പേർ. രോഗമുക്തി നിരക്ക്‌ 62.78 ശതമാനം. വെള്ളിയാഴ്‌ച 2.83 ലക്ഷം സാമ്പിൾ പരിശോധിച്ചു. ജൂലൈയിലെ ആദ്യ 10 ദിവസത്തില്‍ രാജ്യത്ത് 2.37 ലക്ഷം രോഗികള്‍. 29 ശതമാനമാണ്‌ വർധന. മഹാരാഷ്ട്രയിൽ ഈ പത്ത് ദിവസം 63700 രോഗികള്‍. വര്‍ധന 27 ശതമാനം. തമിഴ്‌നാട്ടിൽ 40094 രോഗികള്‍. വര്‍ധന 31 ശതമാനം. ഡൽഹിയിൽ 21780 രോഗികള്‍. 20 ശതമാനം വർധന. ഗുജറാത്തിൽ 8132. വര്‍ധന 20.25 ശതമാനം. കർണാടകയിൽ 54 ശതമാനമാണ്‌ പത്തുദിവസത്തെ വര്‍ധന. തെലങ്കാനയിൽ 49.29 ശതമാനം കേസുകൾ കൂടി. ആന്ധ്രയിൽ 43 ശതമാനവും ബംഗാളിൽ 31.53 ശതമാനവും വർധിച്ചു. Read on deshabhimani.com