അസമിൽ കസ്റ്റഡി മരണം ആരോപിച്ച് ആൾക്കൂട്ടം പൊലീസ് സ്റ്റേഷൻ കത്തിച്ചു
ഗുവാഹത്തി > അസമിൽ കസ്റ്റഡി മരണം ആരോപിച്ച് പൊലീസ് സ്റ്റേഷൻ തീയിട്ട്‌ ജനക്കൂട്ടം. മത്സ്യ വ്യാപാരിയായ സഫീഖുൽ ഇസ്ലമാണ് നാഗുൺ പൊലീസിന്റെ കസ്റ്റഡിയിൽ മരണപെട്ടത്. ഇതിൽ പ്രതിഷേധിച്ച് ജനക്കൂട്ടം പൊലീസ് സ്റ്റേഷൻ ആക്രമിക്കുകയായിരുന്നു. ജനക്കൂട്ടം പൊലീസ് സ്റ്റേഷന്‍ അക്രമിക്കുന്നതിന്റെയും പൊലീസുകാരെ മര്‍ദിക്കുന്നതിന്റെയും ദൃശ്യങ്ങള്‍ പുറത്തുവന്നു. പൊലീസ് ഇയാളെ മര്‍ദിച്ചു കൊലപ്പെടുത്തിയെന്നാണ് നാട്ടുകാര്‍ ആരോപിക്കുന്നത്. സ്ത്രീകളും പുരുഷന്‍മാരും അടങ്ങിയ സംഘം പൊലീസ് സ്റ്റേഷനു നേര്‍ക്ക് കല്ലെറിഞ്ഞു. ശേഷം, പൊലീസുകാരെ പിടിച്ചിറക്കി മര്‍ദിക്കുകയായിരുന്നു. പിന്നാലെ സ്റ്റേഷന്‍ കത്തിക്കുകയും ചെയ്‌തു. Read on deshabhimani.com