കോവിഡ് നിയന്ത്രണാതീതം: ബംഗളൂരുവില്‍ വീണ്ടും ലോക്ക് ഡൗണ്‍ പ്രഖ്യാപിച്ചു
ബംഗളൂരു> കോവിഡ് രോഗികളുടെ എണ്ണം നിയന്ത്രണ വിധേയമല്ലാതെ വര്‍ധിക്കുന്ന സാഹചര്യത്തില്‍ ബംഗളൂരുവില്‍ വീണ്ടും ലോക്ക്ഡൗണ്‍ പ്രഖ്യാപിച്ചു.ബംഗളൂരു നഗര, ഗ്രാമ ജില്ലകളില്‍ ജൂലൈ 14 ( ചൊവ്വാഴ്ച), രാത്രി 8 മണി മുതല്‍ 23 വരെയാണ് ആദ്യ ഘട്ടം ലോക്ക് ഡൗണ്‍ നിലവില്‍ വരുന്നത് . ലോക്ക് ഡൗണില്‍ അവശ്യ സേവനങ്ങള്‍ മാത്രമേ പ്രവര്‍ത്തിക്കുകയുള്ളൂ.കര്‍ണാടകയിലെ മറ്റു ജില്ലകളിലേക്ക് ലോക്ക് ഡൗണ്‍ നീട്ടണമോ എന്ന കാര്യം തിങ്കളാഴ്ച മാത്രമേ തീരുമാനിക്കുകയുള്ളൂ എന്ന് മുഖ്യമന്ത്രി യെദ്യൂരപ്പ അറിയിച്ചു . Read on deshabhimani.com