മുംബൈയിൽ കെട്ടിടം തകർന്ന് 19 മരണം
മുംബൈ മുംബൈയിലെ കുർള ഈസ്റ്റിൽ നാലുനില കെട്ടിടം തകർന്ന് 19 പേർ മരിച്ചു. 13 പേർക്ക് പരിക്കേറ്റു. കൂടുതൽ പേർ അവശിഷ്ടങ്ങൾക്കിടയിൽ കുടുങ്ങിക്കിടക്കുന്നതിനാൽ രാത്രി വൈകിയും രക്ഷാപ്രവർത്തനം നടക്കുകയാണ്. കനത്ത മഴ രക്ഷാപ്രവർത്തനത്തിന് തടസ്സമായി.തിങ്കളാഴ്‌ച രാത്രി പതിനൊന്നരയോടെയാണ് നഗരമധ്യത്തിലുള്ള 50 വർഷത്തോളം പഴക്കമുള്ള കെട്ടിടം തകർന്നത്. ഒമ്പത് വർഷംമുമ്പ് കെട്ടിടം കാലപ്പഴക്കം ചെയ്തതാണെന്ന് പ്രഖ്യാപിച്ചിരുന്നെന്നും താമസക്കാരോട് ഒഴിഞ്ഞുപോകാൻ നിർദേശം നൽകിയിരുന്നെന്നും ബ്രിഹാൻ മുംബൈ മുനിസിപ്പൽ കോർപറേഷൻ (ബിഎംസി) അറിയിച്ചു. Read on deshabhimani.com