സിപിഐ എം ജമ്മു കശ്മീര് സംസ്ഥാന കമ്മിറ്റി അംഗം ശ്യാം പ്രസാദ് കേസര് അന്തരിച്ചു
ന്യൂഡല്ഹി > സിപിഐ എം ജമ്മു കശ്മീര് സംസ്ഥാന കമ്മിറ്റി അംഗം ശ്യാം പ്രസാദ് കേസര് (70)അന്തരിച്ചു. ജമ്മു റീജണല് സെക്രട്ടറിയും സിഐടിയു സംസ്ഥാന ട്രഷററുമായിരുന്നു. കോവിഡാനന്തര രോഗങ്ങളാല് ചികിത്സയിലായിരുന്നു. ജമ്മുവിലെ നാരായണ ആശുപത്രിയിലാണ് അന്ത്യം. കത്വയില് ആസിഫയെ കൂട്ടബലാത്സംഗം ചെയ്തു കൊന്ന സംഭവത്തില് കുറ്റക്കാര്ക്കെതിരെ നടപടിയാവശ്യപ്പെട്ടുള്ള സമരങ്ങള്ക്ക് നേതൃത്വം നല്കി. വിഷയത്തില് അനിശ്ചിതകാല നിരാഹാരവും അനുഷ്ഠിച്ചു. ജമ്മു കശ്മീരില് ആശാ തൊഴിലാളികളുടെ സമരങ്ങള് ഏറ്റെടുത്ത് നടത്തുന്നതില് മുഖ്യപങ്ക് വഹിച്ചു. Read on deshabhimani.com