രണ്ടുദിവസം ലക്ഷം രോഗികള്‍ ; രാജ്യത്ത്‌ കോവിഡ് ബാധിതര്‍13 ലക്ഷം കടന്നു
ന്യൂഡൽഹി രാജ്യത്ത്‌ കോവിഡ് ബാധിതര്‍ 13 ലക്ഷം കടന്നു. മരണം 31000 ത്തിലേറെ. രണ്ടുദിവസത്തിലാണ് രോഗികളില്‍ ഒരുലക്ഷത്തിന്റെ വര്‍ധന. ബുധൻ, വ്യാഴം ദിവസങ്ങളിലായി 1440 മരണം. രോഗികളുടെ പ്രതിവാര വർ‌ധനയിൽ ഇന്ത്യ ബ്രസീലിനെ മറികടന്നു. അമേരിക്കയ്ക്ക് പിന്നില്‍ രണ്ടാമതാണ് ഇന്ത്യയിപ്പോള്‍. ജൂലൈ 16 മുതൽ 22 വരെ ഇന്ത്യയിൽ രോഗികള്‍ 2,69,969, ബ്രസീലിൽ 2,60,962. ആരോഗ്യമന്ത്രാലയത്തിന്റെ കണക്ക് പ്രകാരം 24 മണിക്കൂറില്‍ 49310 രോഗികള്‍, 740 മരണം. രോഗമുക്തര്‍ മുപ്പതിനായിരം കടക്കുന്നത് ആദ്യം, 34602പേര്‍. രോഗമുക്തി നിരക്ക്‌ 63.45 ശതമാനം. ചികിത്സയില്‍ 4.40 ലക്ഷം പേർ. മരണനിരക്ക്‌ 2.38 ശതമാനം. വ്യാഴാഴ്‌ച 3.53 ലക്ഷം സാമ്പിൾ പരിശോധിച്ചു. ആകെ പരിശോധന 1.54 കോടി. പത്തുലക്ഷം പേരിൽ 11179.83 എന്ന തോതിലാണ്‌ രാജ്യത്തെ പരിശോധനാനിരക്ക്‌. Read on deshabhimani.com