ശശിമല ക്ഷീരസംഘം എൽഡിഎഫിന്
പുൽപ്പള്ളി ശശിമല ക്ഷീരോൽപ്പാദക സഹകരണസംഘം തെരഞ്ഞെടുപ്പിൽ എൽഡിഎഫിന് വിജയം. എൽഡിഎഫ് നേതൃത്വത്തിൽ മത്സരിച്ച ക്ഷീര കർഷക സഹകരണ മുന്നണി അഞ്ച് സീറ്റുകൾ വിജയിച്ചാണ് ഭരണം നിലനിർത്തിയത്. ഇ കെ തങ്കച്ചൻ, പി കെ മോഹനൻ, കെ എസ് മോഹനൻ, മോഹനൻ മരവയൽ, ധന്യ ഗിരീഷ് എന്നിവരാണ് എൽഡിഎഫ് പാനലിൽനിന്ന് വിജയിച്ചത്. അനൂപ് ഉണ്ണിപ്പള്ളിൽ, ബാബു ദേവസ്യ, ജിൻസി, ആശാ ബിജു എന്നിവരാണ് യുഡിഎഫ് പാനലിൽനിന്ന് വിജയിച്ചത്. പ്രസിഡന്റായി എൽഡിഎഫിലെ ഇ കെ തങ്കച്ചനെ തെരഞ്ഞെടുത്തു. തെരഞ്ഞെടുപ്പ് വിജയത്തെ തുടർന്ന് എൽഡിഎഫ് ആഹ്ലാദപ്രകടനം നടത്തി. എം എസ് സുരേഷ് ബാബു, സി പി വിൻസന്റ്, പി എ മുഹമ്മദ്, സണ്ണി ഓലിക്കരോട്ട് എന്നിവർ നേതൃത്വം നൽകി. Read on deshabhimani.com