പ്രതിഭാ സംഗമം
പനമരം ജില്ലാ ശിശുക്ഷേമ സമിതി 2022 ലെ ശിശുദിനത്തോടബന്ധിച്ച് നടത്തിയ വിവിധ മത്സരങ്ങളിൽ വിജയികളായവർക്കുള്ള സമ്മാന വിതരണവും പ്രതിഭാ സംഗമവും പനമരം പഞ്ചായത്ത് ഹാളിൽ പഞ്ചായത്ത് പ്രസിഡന്റ് പി എം ആസ്യ ഉദ്ഘാടനംചെയ്തു. ശിശുദിനത്തിന്റെ ഭാഗമായി എൽപി, യുപി, ഹൈസ്കൂൾ, ഹയർ സെക്കൻഡറി വിദ്യാർഥികൾക്കായി കഥ, കവിത , ഉപന്യാസരചന, പ്രസംഗ മത്സരങ്ങളാണ് സംഘടിപ്പിച്ചത്. ചടങ്ങിൽ ശിശുക്ഷേമ സമിതി ജില്ലാ ട്രഷറർ സി കെ ഷംസുദ്ധീൻ അധ്യക്ഷനായി. ജില്ലാ പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷൻ ജുനൈദ് കൈപ്പാണി, ശിശുക്ഷേമ സമിതി എക്സിക്യൂട്ടീവ് അംഗം പി ആർ ഗിരിനാഥൻ, പി ഡി വിബിന എന്നിവർ സംസാരിച്ചു. ശിശുക്ഷേമ സമിതി ജില്ലാ സെക്രട്ടറി കെ സത്യൻ സ്വാഗതവും കെ അലിയാർ നന്ദിയും പറഞ്ഞു Read on deshabhimani.com