പാലേരി–-കരിമ്പിൽ പ്രദേശങ്ങൾ ഒറ്റപ്പെട്ടു
മക്കിയാട് കനത്ത മഴയിൽ റോഡ് ഇടിഞ്ഞ് പുഴയിലേക്ക് താഴന്നു. തൊണ്ടർനാട് പഞ്ചായത്തിലെ മൂന്നാം വാർഡിൽ ഉൾപ്പെട്ട പൂക്കോട്ടുകടവ്–-കുന്നേരി റോഡാണ് നൂറു മീറ്ററോളം ദൂരം ഇടിഞ്ഞത്. ടാറിങ് ഉൾപ്പെടെ തകർന്ന് കാൽനടപോലും ദുസ്സഹമായി. പാലേരി–കരിമ്പിൽ പ്രദേശങ്ങളെ ബന്ധിപ്പിക്കുന്ന റോഡാണിത്. ഇത് വഴിയുള്ള യാത്ര പൂർണമായും നിലച്ചതോടെ ഈ പ്രദേശങ്ങൾ ഒറ്റപ്പെട്ടു. പുഴയോട് ചേർന്ന ഭാഗമായതിനാൽ കൂടുതൽ ഇടിയാനുള്ള സാധ്യതയുണ്ട്. ഗതാഗതം പുനഃസ്ഥാപിക്കണമെങ്കിൽ പുഴയുടെ ഭാഗം ഭിത്തികെട്ടി റോഡ് പൂർവ സ്ഥിതിയിലാക്കണം. കാൽനടപോലും ഈ ഭാഗത്ത് സാധ്യമല്ല. റോഡ് ഇടിഞ്ഞ് പുഴയിലേക്ക് പതിച്ചതിനാൽ തുരുത്ത് രൂപപ്പെട്ട് ഗതിമാറി ഒഴുകുകയാണ്. റോഡ് അടിയന്തരമായി പുനർനിർമിക്കണമെന്ന് നാട്ടുകാർ ആവശ്യപ്പെട്ടു Read on deshabhimani.com