കർഷകർക്ക്‌ 37 ലക്ഷം നഷ്ടപരിഹാരം
കൽപ്പറ്റ ആഫ്രിക്കൻ പന്നിപ്പനി പ്രതിരോധത്തിന്റെ ഭാഗമായി കൊന്നൊടുക്കിയ പന്നികളുടെ ഉടമകൾക്കുള്ള നഷ്ടപരിഹാരം 11ന്‌ മന്ത്രി ജെ ചിഞ്ചുറാണി വിതരണംചെയ്യും. രാവിലെ 10ന്‌ കൽപ്പറ്റ പിഡബ്യുഡി റസ്റ്റ് ഹൗസിൽ നടക്കുന്ന ചടങ്ങിൽ തുക കൈമാറും. ജില്ലയിലെ മൂന്ന് തദ്ദേശസ്ഥാപനങ്ങളിലെ ഏഴ്‌ കർഷകർക്കായി 37,07,752 രൂപയാണ് നഷ്ടപരിഹാരമായി നൽകുന്നത്. മാനന്തവാടി നഗരസഭയിലും തവിഞ്ഞാൽ, നെന്മേനി പഞ്ചായത്തുകളിലുമായി 702 പന്നികളെയാണ് ഉൻമൂലനം ചെയ്‌തത്‌. പ്രതിരോധ പ്രവർത്തനങ്ങളിൽ മാതൃകാ പ്രവർത്തനം നടത്തിയ മൃഗസംരക്ഷണ വകുപ്പിലെ റാപിഡ് റെസ്‌പോൺസ് ടീം അംഗങ്ങളെ മന്ത്രി ആദരിക്കും. Read on deshabhimani.com