വനിതാ വെയ്‌റ്റ്‌ ലിഫ്‌റ്റിങ്‌ മത്സരം 31ന്‌
തൃശൂർ ഖേലോ ഇന്ത്യ പരിപാടിയോടനുബന്ധിച്ച്‌ ജില്ലാ വെയ്‌റ്റ്‌ ലിഫ്‌റ്റിങ്‌ അസോസിയേഷൻ 31ന്‌ തൃശൂരിൽ വനിതാ വെയ്‌റ്റ്‌ ലിഫ്‌റ്റിങ്‌ മത്സരം നടത്തുമെന്ന്‌ ഭാരവാഹികൾ വാർത്താ സമ്മേളനത്തിൽ പറഞ്ഞു. സെന്റ്‌ മേരീസ്‌ കോളേജിൽ രാവിലെ 9.30ന്‌ നടക്കുന്ന മത്സരം തൃശൂർ റൂറൽ എസ്‌ പി ഐശ്വര്യ ഡോങ്‌റെ ഉദ്‌ഘാടനം ചെയ്യും. പത്ത്‌ വിഭാഗങ്ങളിലായി നടക്കുന്ന മത്സരത്തിൽ 70 പേർ പങ്കെടുക്കും. തൃശൂർ ജില്ലാ വെയ്‌റ്റ്‌ ലിഫ്‌റ്റിങ്‌ അസോസിയേഷൻ പ്രസിഡന്റ്‌ അഡ്വ. എ യു രഘുരാമൻ പണിക്കർ, ജില്ലാ സ്‌പോർട്‌സ്‌ കൗൺസിൽ വൈസ്‌ പ്രസിഡന്റ്‌ ബിന്നി ഇമ്മട്ടി, ജോസ്‌ പോൾ ചിരിയങ്കണ്ടത്ത്‌, ടി ടി ജയിംസ്‌, ചിത്ര ചന്ദ്രമോഹൻ എന്നിവർ വാർത്താ സമ്മേളനത്തിൽ പങ്കെടുത്തു. Read on deshabhimani.com