ഖേലോ മാസ്റ്റേഴ്സ് അത്ലറ്റിക്സിന് തുടക്കമായി
തൃശൂർ സംസ്ഥാന ഖേലോ മാസ്റ്റേഴ്സ് അത്ലറ്റിക് ചാമ്പ്യൻഷിപ് തൃശൂർ തോപ്പ് സ്റ്റേഡിയത്തിൽ ആരംഭിച്ചു. ഒളിമ്പ്യൻ പി രാമചന്ദ്രൻ ഉദ്ഘാടനം ചെയ്തു. കെ ആർ സാംബശിവൻ അധ്യക്ഷനായി. ഒളിമ്പ്യൻ ജിൻസി ഫിലിപ്പ്, സി എ സതീഷ് ബാബു, ഡെന്നി ജേക്കബ്, അൽഫോൻസ കുര്യൻ എന്നിവർ സംസാരിച്ചു. പുരുഷ–- വനിതാ കായികതാരങ്ങളായ 300 പേർ ചാമ്പ്യൻഷിപ്പിൽ പങ്കെടുക്കുന്നുണ്ട്. 30 വയസ്സു മുതൽ 85വയസ്സുവരെയുള്ള പ്രായക്കാർ വരെ വിവിധ വിഭാഗങ്ങളിലെ മത്സരത്തിൽ പങ്കെടുക്കും. വിജയികൾക്ക് ആഗസ്തിൽ ഡൽഹിയിൽ നടക്കുന്ന ദേശീയ മത്സരത്തിൽ പങ്കെടുക്കാൻ അർഹതയുണ്ടാകും. ചാമ്പ്യൻഷിപ് ഞായറാഴ്ച സമാപിക്കും. Read on deshabhimani.com