എൻ വി കൃഷ്ണവാര്യർ സ്മാരക പുരസ്കാരം കലാമണ്ഡലം ഈശ്വരനുണ്ണിക്ക്
തൃശൂർ സമസ്ത കേരള വാര്യർ സമാജം എൻ വി കൃഷ്ണവാര്യർ സ്മാരക പുരസ്കാരം പാണിവാദരത്നം പ്രൊഫ. കലാമണ്ഡലം ഈശ്വരനുണ്ണിക്ക് നൽകും. 28, 29 തീയതികളിൽ ഗുരുവായൂരിൽ നടക്കുന്ന സമാജം സംസ്ഥാന സമ്മേളനത്തിൽ പുരസ്കാരം സമ്മാനിക്കും. 10,000 രൂപയും മെമന്റോയും പ്രശസ്തിപത്രവും അടങ്ങുന്നതാണ് അവാർഡ്. ഡോ. പി മുരളി, ഡോ.രാധാകൃഷ്ണവാര്യർ, ഡോ. ഭാരതി കുഞ്ഞുകുട്ടൻ എന്നിവരാണ് ജൂറി കമ്മിറ്റിയംഗങ്ങൾ. സമ്മേളനത്തിന്റെ ലോഗോ പ്രകാശനം സംസ്ഥാനപ്രസിഡന്റ് എം വി ശങ്കരവാര്യർ നിർവഹിച്ചു. സി ബി എസ് വാര്യർ അധ്യക്ഷനായി. Read on deshabhimani.com