ഖാദിത്തൊഴിലാളികളുടെ അനിശ്ചിതകാല സമരം തുടങ്ങി
തൃശൂർ വിവിധ ആവശ്യങ്ങളുന്നയിച്ച്‌ ജില്ലാ ഖാദി വർക്കേഴ്‌സ്‌ യൂണിയൻ(സിഐടിയു) നേതൃത്വത്തിൽ തൊഴിലാളികളുടെ അനിശ്ചിതകാല സമരം ആരംഭിച്ചു. ജില്ലാ ഖാദി വ്യവസായ ഓഫീസിനു മുന്നിൽ ആരംഭിച്ച സമരം സിഐടിയു ജില്ലാ വൈസ്‌ പ്രസിഡന്റ്‌ എ സിയാവുദ്ദീൻ ഉദ്‌ഘാടനം ചെയ്‌തു. ഖാദി വർക്കേഴ്‌സ്‌ യൂണിയൻ ജില്ലാ ജോ. സെക്രട്ടറി കെ ഒ പൗലോസ്‌ അധ്യക്ഷനായി. കെബിഇഎ ജില്ലാ പ്രസിഡന്റ്‌ സിന്ധു, യൂണിയൻ വൈസ്‌ പ്രസിഡന്റ്‌ കുഞ്ഞപ്പൻ, യൂണിയൻ ജില്ലാ സെക്രട്ടറി എ ജി ഷൈനി, കെ പി നാരായണൻ നമ്പീശൻ എന്നിവർ സംസാരിച്ചു. Read on deshabhimani.com