മുളങ്കുന്നത്തുകാവ് ഗ്രൗണ്ടിൽ മാരുതിയുടെ ‘മായാലോകം’
തൃശൂർ വാഹനപ്രേമികളുടെ ഇഷ്ട‘താര’ങ്ങളായ മാരുതി 800 ഞായറാഴ്ച മുളങ്കുന്നത്തുകാവ് പഞ്ചായത്ത് മൈതാനത്ത് കൂട്ടമായെത്തി. വിവിധ വർണങ്ങളിലുള്ള നൂറോളം പഴയ മോഡൽ മാരുതി കാറുകളാണ് ഗ്രൗണ്ടിലെത്തിയത്. രാവിലെ 9.30 ഓടെ എംഎൽഎ റോഡിലെ പാറമേക്കാവ് വിദ്യാമന്ദിർ പരിസരത്തുനിന്ന് തുടങ്ങി കുറ്റൂർ വഴി മുളങ്കുന്നത്തുകാവ് ഗ്രൗണ്ടിലെത്തി. കാലഗണനയനുസരിച്ച ക്രമത്തിലായിരുന്നു ഓരോ ജനറേഷൻ മാരുതികളും പ്രയാണം തുടങ്ങിയത്. ഏഴ് സംസ്ഥാനങ്ങളിലൂടെ മാരുതി 800 ഓടിച്ച് കാർഗിൽ മഞ്ഞുമല കീഴടക്കിയ തമിഴ്നാട് തിരുപ്പൂർ സ്വദേശി മോഹനൻ, മകൻ ലത്വിക് എന്നിവരെ ആദരിച്ചു. മാരുതിയിൽ ഹിമാലയത്തിലെത്തിയ റഫീക് ചെർപ്പുളശേരിയുൾപ്പെടെ നാലംഗ സംഘത്തെയും ആദരിച്ചു. പാല സ്വദേശി ബാബുമണി, തൃശൂർ സ്വദേശി ശരത്ത് കെ ശങ്കർ എന്നിവർ നേതൃത്വം നൽകി. Read on deshabhimani.com