സംസ്ഥാന ജാഥാസംഗമം ഇന്ന്‌ ചാവക്കാട്
ചാവക്കാട് കേരള മത്സ്യത്തൊഴിലാളി ഫെഡറേഷൻ ( സിഐടിയു ) സംസ്ഥാന ജാഥാസംഗമം ബുധനാഴ്ച ചാവക്കാട് നടക്കും. വൈകിട്ട് അ‍‍ഞ്ചിന് ജാഥാസംഗമവും പൊതുസമ്മേളനവും കെ ടി ജലീൽ ഉദ്ഘാടനം ചെയ്യും. 13ന് കൊല്ലത്ത് നടത്തുന്ന മത്സ്യത്തൊഴിലാളി സംഗമത്തിന്റെ പ്രചരണാർഥം ഫെഡറേഷൻ സംസ്ഥാന പ്രസിഡന്റ് കൂട്ടായി ബഷീർ നായിക്കുന്ന വടക്കൻ മേഖലാ ജാഥയും സംസ്ഥാന ജനറൽ സെക്രട്ടറി പി പി ചിത്തരഞ്‌ജൻ എംഎൽഎ നയിക്കുന്ന തെക്കൻ മേഖലാ ജാഥയുമാണ്‌ ചാവക്കാട് സംഗമിക്കുന്നത്‌. വൈകിട്ട് ചാവക്കാട് ബസ്‌ സ്റ്റാന്റ് പരിസരത്ത് എത്തിചേരുന്ന ജാഥകളെ സ്വീകരിച്ച് വസന്തം കോർണറിലേക്ക് ആനയിക്കും .തുടർന്ന് ചേരുന്ന ജാഥാ സംഗമത്തിൽ സിഐടിയു ജില്ലാ സെക്രട്ടറി യു പി ജോസഫ്, സംസ്ഥാന വൈസ് പ്രസിഡന്റ് എം കെ കണ്ണൻ, എൻ കെ അക്ബർ എംഎൽഎ എന്നിവർ സംസാരിക്കും. Read on deshabhimani.com