2362 യൂണിറ്റുകളിൽ വൃക്ഷത്തൈകൾ നട്ട് കര്ഷകസംഘം
തൃശൂർ പരിസ്ഥിതിദിനാചരണത്തിന്റെ ഭാഗമായി കർഷക സംഘത്തിന്റെ 2362 യൂണിറ്റുകളിൽ വൃക്ഷത്തൈകൾ നട്ടു. 17 ഏരിയകളിൽ 50 വീതം പ്ലാവിൻ തൈകളും നട്ടു. കർഷകസംഘം ജില്ലാ കമ്മിറ്റി നേതൃത്വത്തിൽ തേക്കിൻകാട് മൈതാനം പടിഞ്ഞാറേ നടയിൽ മൂന്ന് ഫലവൃക്ഷത്തൈകൾ നട്ടു. സംസ്ഥാന ജോയിന്റ് സെക്രട്ടറി എ സി മൊയ്തീൻ എംഎൽഎ ഉദ്ഘാടനം ചെയ്തു. ജില്ലാ ജോയിന്റ് സെക്രട്ടറി കെ രവീന്ദ്രൻ അധ്യക്ഷനായി. ജില്ലാ സെക്രട്ടറി എ എസ് കുട്ടി, ജില്ലാ വൈസ് പ്രസിഡന്റ് ഗീത ഗോപി, ഏരിയ സെക്രട്ടറി എം ശിവശങ്കരൻ, ഏരിയ പ്രസിഡന്റ് കെ ആർ ഗോപിനാഥൻ എന്നിവർ സംസാരിച്ചു. പ്ലാവ്, അശോകം, കൊന്ന എന്നീ വിവിധ മരങ്ങൾ നട്ടു. Read on deshabhimani.com