6000 ലിറ്റർ സിന്തറ്റിക്‌ വിനഗർ ഭക്ഷ്യ സുരക്ഷാ വകുപ്പ് പിടിച്ചെടുത്തു
തൃശൂർ കുന്നംകുളം സർക്കിൾ ഇയ്യാലിൽ പ്രവർത്തിക്കുന്ന കൈരളി ഏജൻസീസ്‌ ഭക്ഷ്യ സുരക്ഷാ വകുപ്പ് അടപ്പിച്ചു. 6000 ലിറ്റർ സിന്തറ്റിക്‌ വിനഗർ ഭക്ഷ്യസുരക്ഷാ വകുപ്പ് പിടിച്ചെടുത്തു. സിന്തറ്റിക്‌ വിനഗർ ഉൽപ്പാദിപ്പിക്കുന്ന സ്ഥാപനത്തിൽ മിനറൽ ആസിഡ് കലർന്ന വിനഗർ കണ്ടെത്തിയതിനെത്തുടർന്നാണ്‌ പൂട്ടിച്ചത്‌. തൃശൂർ ഫുഡ്‌ സേഫ്റ്റി അസി. കമീഷണർ കെ കെ അനിലൻ, ഫുഡ്‌ സേഫ്റ്റി ഓഫീസർമാരായ പി വി ആസാദ്, രാജീവ്‌ സൈമൺ, ഇ എ രവി എന്നിവരുടെ നേതൃത്വത്തിലാണ്‌ പരിശോധന നടന്നത്. പാലക്കാട്‌, മലപ്പുറം, തിരുവനന്തപുരം എന്നീ ജില്ലകളിൽ ഈ സ്ഥാപനത്തിനെതിരെ ഭക്ഷ്യ സുരക്ഷാ വകുപ്പിന്റെ കേസുണ്ട്. Read on deshabhimani.com