സ്കൂൾ ബസും സൂപ്പര്‍ഫാസ്റ്റും കൂട്ടിയിടിച്ചു
കിളിമാനൂർ കല്ലമ്പലത്തിനു സമീപം ദേശീയപാതയിൽ കെഎസ്ആർടിസി സൂപ്പർഫാസ്റ്റ് ബസ് സ്കൂൾ ബസുമായി കൂട്ടിയിടിച്ചു. ഇരുപത്തിയെട്ടാംമൈലിൽ വെള്ളി രാവിലെയാണ് സംഭവം. തിരുവനന്തപുരത്തുനിന്ന് കൊല്ലം ഭാഗത്തേക്ക്‌ സഞ്ചരിച്ച സൂപ്പർഫാസ്റ്റ് ബസ്, പാളയംകുന്ന് ഗവ. ഹയർസെക്കൻഡറി സ്കൂളിലേക്ക് പോയ സ്കൂൾബസിലാണ് തട്ടിയത്. ബസിൽ 25 കുട്ടികൾ ഉണ്ടായിരുന്നു. ഇടറോഡിൽനിന്ന് ദേശീയപാതയിലേക്ക് സ്കൂൾ ബസ് കയറവെ സൂപ്പർഫാസ്റ്റുമായി നേരിയ കൂട്ടിയിടിയുണ്ടായി. സ്കൂൾ ബസിന്റെ സൈഡ് ഗ്ലാസിലേക്ക് സൂപ്പർഫാസ്റ്റ് ഇടിച്ച് നിൽക്കുകയായിരുന്നു. കെഎസ്ആർടിസി സൂപ്പർഫാസ്റ്റ് ഡ്രൈവർ സഡൻ ബ്രേക്കിട്ടതിനാൽ വൻദുരന്തം തെന്നിമാറി. അപകടത്തിൽ ആർക്കും പരിക്കില്ല. Read on deshabhimani.com