"മാറുന്ന മാധ്യമസംസ‍്കാരവും തൊഴിലാളികളും’ സെമിനാർ
വിളപ്പിൽ സിഐടിയു ജില്ലാ സമ്മേളനത്തിന്റെ ഭാഗമായി "മാറുന്ന മാധ്യമ സംസ്കാരവും തൊഴിലാളികളും’ എന്ന വിഷയത്തിൽ സെമിനാർ സംഘടിപ്പിച്ചു. വൈലോപ്പിള്ളി സംസ്‌കൃതി ഭവൻ വൈസ് ചെയർമാൻ ജി എസ് പ്രദീപ് ഉദ്ഘാടനം ചെയ്തു. മാധ്യമ മേഖല കോർപറേറ്റുകളുടെ നീരാളിപ്പിടിത്തത്തിലാണെന്ന്‌ ജി എസ് പ്രദീപ് പറഞ്ഞു. മാധ്യമങ്ങൾ അക്ഷരങ്ങളെ പടവാളാക്കുന്നതിനു പകരം കോർപറേറ്റുകളുടെ ചട്ടുകങ്ങളായാണ് പ്രവർത്തിക്കുന്നത്. മലയാള ദൃശ്യമാധ്യമങ്ങൾ അർഥമില്ലാത്ത അന്തിച്ചർച്ചകളിൽ വിരാജിക്കുകയാണെന്നും അദ്ദേഹം കൂട്ടിച്ചേർത്തു. സംഘടക സമിതി കൺവീനർ ആർ പി ശിവജി അധ്യക്ഷനായി. സിഐടിയു സംസ്ഥാന സെക്രട്ടറി കെ എൻ ഗോപിനാഥ് വിഷയാവതരണം നടത്തി. സിഐടി യു സംസ്ഥാന സെക്രട്ടറി കെ എസ് സുനിൽ കുമാർ, ജില്ലാ സെക്രട്ടറി സി ജയൻ ബാബു, സിഐടിയു വിളപ്പിൽ ഏരിയ സെക്രട്ടറി വി എസ് ശ്രീകാന്ത്, ആർ വേലപ്പൻ പിള്ള, വിളപ്പിൽ ശ്രീകുമാർ, പ്രദീപ്, ടി ജയമോഹൻ, ഡി മോഹനൻ എന്നിവർ സംസാരിച്ചു. Read on deshabhimani.com