കണ്ണിമചിമ്മാതെ ഇന്ത്യയൊരുങ്ങി: ദേവദത്തന് റെക്കോഡ്
വെഞ്ഞാറമൂട് ഇന്ത്യൻ ബുക്ക്‌ ഓഫ് റെക്കോഡ്സിൽ ഇടംനേടി എട്ടാംക്ലാസ് വിദ്യാർഥി ദേവദത്തൻ. പെൻസിൽകൊണ്ട് മനോഹരമായി ഇന്ത്യയെ വരയ്ക്കുകയും അതിൽ 24 രാജ്യത്തെ ഷെയ്ഡായി എഴുതുകയും ചെയ്തതാണ് റെക്കോഡിന് അർഹനായത്. 4 മിനിറ്റ് 50 സെക്കൻഡ് കൊണ്ട് തിരുത്തൽ വരുത്താതെയാണ് വരച്ചത്. 9 സെന്റീമീറ്റർ പൊക്കവും 8 സെന്റീമീറ്റർ വീതിയുമാണ് ചിത്രത്തിന്റെ വലിപ്പം. ആലിയാട് പൂതാളംകുഴി ഗോകുലത്തിൽ കർഷകനായ ഗോപിനാഥൻ നായരുടെയും അനിത കുമാരിയുടെയും മകനാണ് ദേവദത്തൻ. ശാലിനി ഭവൻ ഇംഗ്ലീഷ് മീഡിയം സ്കൂളിലെ എട്ടാം ക്ലാസ്‌ വിദ്യാർഥിയാണ്. Read on deshabhimani.com