മടവൂര്‍ വിക്രമന്‍ നായരുടെ ഓര്‍മ പുതുക്കി
കിളിമാനൂർ സിപിഐ എം മടവൂരിൽ കെട്ടിപ്പടുക്കാൻ പരിശ്രമിച്ചവരിൽ പ്രമുഖനും ദീർഘകാലം സിപിഐ എം ഏരിയ കമ്മിറ്റിയംഗം, മടവൂർ പഞ്ചായത്ത് പ്രസിഡന്റ്, മടവൂർ സർവീസ് സഹകരണ ബാങ്ക് പ്രസിഡന്റ്, സിഐടിയു നേതാവ് എന്നീ നിലകളിൽ പ്രവർത്തിച്ചിരുന്ന മടവൂർ വിക്രമൻനായരുടെ മൂന്നാം ചരമവാർഷികം സമുചിതമായി ആചരിച്ചു. സ്മൃതിമണ്ഡപത്തിലെ പുഷ്പാർച്ചനയ്ക്കുശേഷം നടന്ന അനുസ്മരണയോഗത്തിൽ സിപിഐ എം ജില്ലാ സെക്രട്ടറിയറ്റംഗം ബി പി മുരളി മുഖ്യപ്രഭാഷകനായി. ഡി ദീപ അധ്യക്ഷയായി. സിപിഐ എം ജില്ലാ കമ്മിറ്റിയംഗം മടവൂർ അനിൽ, ഏരിയ സെക്രട്ടറി തട്ടത്തുമല ജയചന്ദ്രൻ, കെ ഗോപാലപിള്ള, മടവൂർ സലിം, ശ്രീജ ഷൈജുദേവ് തുടങ്ങിയവർ അനുസ്മരണ പ്രഭാഷണം നടത്തി. ലോക്കൽ സെക്രട്ടറി എച്ച് നാസർ സ്വാഗതവും സുരേഷ് ബാബു നന്ദിയും പറഞ്ഞു. Read on deshabhimani.com