301 പേർക്ക് പട്ടയം നൽകി
നെടുമങ്ങാട് സാധാരണക്കാരായ മനുഷ്യർക്ക് അർഹതപ്പെട്ട ഭൂമി കൊടുക്കുന്നതിന് വേണ്ടി നിയമനിർമാണം ആവശ്യമായി വന്നാൽ അതുചെയ്യുമെന്ന് റവന്യു മന്ത്രി കെ രാജൻ. നെടുമങ്ങാട് താലൂക്കുതല പട്ടയ വിതരണമേള ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. നഗരസഭയിലെ പേരുമല തടത്തരികത്ത് വീട്ടിൽ സുമതിയമ്മ മന്ത്രി കെ രാജനിൽനിന്ന് ആദ്യ പട്ടയം ഏറ്റുവാങ്ങി. പട്ടയ വിതരണത്തിനായി പ്രത്യേക കൗണ്ടറുകൾ സജ്ജമാക്കിയിരുന്നു. നെടുമങ്ങാട് താലൂക്കിൽ 301 പേർക്കാണ്‌ പട്ടയം നൽകിയത്‌. മന്ത്രി ജി ആർ അനിൽ അധ്യക്ഷനായി. കലക്ടർ നവ്‌ജ്യോത്‌ ഖോസ, അടൂർ പ്രകാശ് എംപി, ഡി കെ മുരളി എംഎൽഎ, നെടുമങ്ങാട് നഗരസഭാ ചെയർപേഴ്‌സൺ സി എസ് ശ്രീജ, ബ്ലോക്ക് പഞ്ചായത്ത് പ്രസിഡന്റുമാരായ വി അമ്പിളി, കോമളം, ഇന്ദുലേഖ തുടങ്ങിയവർ പങ്കെടുത്തു. Read on deshabhimani.com