പിബിഎംഎസ് വായ്‌പ വിതരണം ആരംഭിച്ചു
നെടുമങ്ങാട് കെഎസ്എഫ്ഇ നെടുമങ്ങാട് ഈവനിങ്‌ ശാഖയിലെ ആദ്യ പ്രവാസി ഭദ്രത മൈക്രോ സ്കീം (പിബിഎംഎസ്) വായ്‌പ വിതരണം ആരംഭിച്ചു. ബ്രാഞ്ച് മാനേജർ പി സുരേഷ്‌കുമാർ നെടുമങ്ങാട് പത്താംകല്ലിൽ ഷിബിന മൻസിലിൽ എം സലീമിന് ചെക്ക് കൈമാറി വായ്‌പവിതരണം ശാഖാതല ഉദ്‌ഘാടനം നിർവഹിച്ചു. ഡെപ്യൂട്ടി മാനേജർ കസ്തൂരി, അസിസ്റ്റന്റ് മാനേജർ ദർശന അനിൽ എന്നിവർ സംസാരിച്ചു. മടങ്ങിവന്ന പ്രവാസികൾക്ക് സ്വയംതൊഴിൽ കണ്ടെത്താനും സംരംഭങ്ങൾ തുടങ്ങാനും 25 ശതമാനം സബ്സിഡിയോടെ ആറ്‌ ശതമാനം പലിശയ്ക്ക് വായ്‌പ നൽകുന്ന പദ്ധതിയാണ് പിബിഎംഎസ്. Read on deshabhimani.com