മെഡിക്കൽ കോളേജ് മേല്പ്പാലം നാടിന് സമര്പ്പിച്ചു
തിരുവനന്തപുരം മെഡിക്കല് കോളേജ് മേൽപ്പാലം മുഖ്യമന്ത്രി പിണറായി വിജയൻ നാടിന് സമർപ്പിച്ചു. 717.29 കോടി ചെലവില് മെഡിക്കല് കോളേജിനായി നടപ്പാക്കുന്ന മാസ്റ്റര്പ്ലാനിലെ പ്രധാനപ്പെട്ട പദ്ധതിയാണ് 256 മീറ്റര് നീളമുള്ള മേല്പ്പാലം. ശ്രീചിത്ര മുതല് മെന്സ് ഹോസ്റ്റല്വരെ നീളുന്ന പാലം യാഥാര്ഥ്യമായതോടെ ആശുപത്രിക്കകത്തേക്കുള്ള പ്രധാന കവാടംവഴിയുള്ള വാഹനഗതാഗതം വലിയൊരളവുവരെ കുറയ്ക്കുന്നതിന് സാധ്യമാകും. ചടങ്ങില് ആരോഗ്യമന്ത്രി വീണാ ജോര്ജ് അധ്യക്ഷയായി. കടകംപള്ളി സുരേന്ദ്രന് എംഎൽഎ മുഖ്യാതിഥിയായി. ജില്ലാ പഞ്ചായത്ത് പ്രസിഡന്റ് ഡി സുരേഷ്കുമാര്, കൗണ്സിലർ ഡി ആര് അനില്, മെഡിക്കല് വിദ്യാഭ്യാസ ഡയറക്ടര് ഡോ. തോമസ് മാത്യു, മെഡിക്കല് കോളേജ് പ്രിന്സിപ്പല് ഡോ. കലാകേശവന്, മെഡിക്കല് കോളേജ് ആശുപത്രി സൂപ്രണ്ട് ഡോ. എ നിസാറുദീന്, എസ്എടി ആശുപത്രി സൂപ്രണ്ട് ഡോ. എസ് ബിന്ദു എന്നിവര് സംസാരിച്ചു. Read on deshabhimani.com