ആനകൾക്ക് സുഖചികിത്സയുമായി ദേവസ്വം ബോർഡ്
വർക്കല ആനകളുടെ ആരോഗ്യം വീണ്ടെടുക്കാനും ക്ഷീണമകറ്റാനുമുള്ള കർക്കടക ചികിത്സയ്ക്ക് തിരുവിതാംകൂർ ദേവസ്വം ബോർഡിന് കീഴിലുള്ള വർക്കല ജനാർദനസ്വാമി ക്ഷേത്രത്തിൽ തുടക്കമായി. 2019 ലെ ഗജറാണി പട്ടം ലഭിച്ച സരസ്വതി ആനയ്ക്ക് സുഖചികിത്സ ഒരുക്കിയാണ് തുടക്കമായത്. ദേവസ്വം ബോർഡ് വെറ്ററിനറി ഡോക്‌ടർ ജയകുമാറിന്റെ നിർദേശങ്ങൾ പാലിച്ചാണ് ചികിത്സ നടത്തുന്നത്. ശരീര പുഷ്ടിക്കുള്ള ആയുർവേദ മരുന്നുകൾ ചേർത്ത് ഉരുളകളാക്കി അഡ്മിനിസ്‌ട്രേറ്റീവ് ഓഫീസർ ആശാ ബിന്ദു ആനയ്ക്ക് നൽകി. ദേവസ്വം ബോർഡ് സൂപ്രണ്ട് ആർ ഹരിരാജ്, ആനയുടെ ഒന്നാം പാപ്പാൻ രാമചന്ദ്രൻ, രണ്ടാം പാപ്പാൻ സതീഷ് എന്നിവരും സന്നിഹിതരായി. Read on deshabhimani.com