ഓണത്തിന് ഒരു മുറം പച്ചക്കറി പദ്ധതിക്ക് തുടക്കം
കിളിമാനൂർ കർഷകസംഘത്തിന്റെ നേതൃത്വത്തിൽ ഓണത്തിന് വിഷരഹിത പച്ചക്കറികൾ വിപണിയിൽ എത്തിക്കുന്നതിനായി "ഓണത്തിന് ഒരു മുറം വിഷരഹിത പച്ചക്കറി' പദ്ധതിക്ക് തുടക്കമായി. ജില്ലാതല ഉദ്ഘാടനം കിളിമാനൂർ ഏരിയയിലെ പുളിമാത്ത് മലച്ചിറയിൽ കർഷകസംഘം ജില്ലാ സെക്രട്ടറി കെ സി വിക്രമൻ ഉദ്ഘാടനം ചെയ്തു. ജില്ലാകമ്മിറ്റിയംഗം ബിജുമോൾ അധ്യക്ഷയായി. കർഷകസംഘം ജില്ലാകമ്മിറ്റിയുടെയും സംയോജിത കൃഷി ജില്ലാതല ക്യാമ്പയിൻ കമ്മിറ്റിയുടെയും നേതൃത്വത്തിലാണ് കൃഷി. ചീര, പടവലം, പാവൽ, പയർ, മത്തൻ, തക്കാളി, കാബേജ്, കോളിഫ്ളവർ, മുളക്, വെണ്ട, വിവിധയിനം വാഴകൾ തുടങ്ങി കേരളത്തിലെ കാലാവസ്ഥയിൽ വിളയുന്നഎല്ലാ പച്ചക്കറികളും വിളവെടുക്കും. സിപിഐ എം ഏരിയ സെക്രട്ടറി തട്ടത്തുമല ജയചന്ദ്രൻ, എസ് ഹരിഹരൻപിള്ള, എം ജയേന്ദ്രൻ, ജയരാജ് തുടങ്ങിയവർ സംസാരിച്ചു. Read on deshabhimani.com