മഹിളാ അസോസിയേഷൻ പ്രതിഷേധിച്ചു
പത്തനംതിട്ട വനിതാ മാധ്യമ പ്രവർത്തക ഷീജക്കെതിരെ പി സി ജോർജ് നടത്തിയ അപകീർത്തികരമായ പരാമർശത്തിനെതിരെ അഖിലേന്ത്യാ ജനാധിപത്യ മഹിളാ അസോസിയേഷൻ പത്തനംതിട്ട ടൗൺ സൗത്ത് മേഖലാ കമ്മറ്റി പ്രധിഷേധ പ്രകടനവും യോഗവും നടത്തി. സ്ത്രീത്വത്തെ അപമാനിച്ച പി സി ജോർജിന് എതിരെ നിയമ നടപടി സ്വീകരിക്കണമെന്നും സ്ത്രീകൾക്ക് എതിരെയുള്ള ഇത്തരം അധിക്ഷേപങ്ങൾ നിർത്തേണ്ടതാണെന്നും അല്ലാത്തപക്ഷം ശക്തമായ സമരപരിപാടികളുമായി മുന്നോട്ടു പോകുമെന്നും മേഖലാ സെക്രട്ടറി അനിതാ ലക്ഷ്മി അറിയിച്ചു. പ്രതിഷേധയോഗം സിപിഐ എം പത്തനംതിട്ട ഏരിയാ കമ്മിറ്റിയംഗം എം ജെ രവി ഉദ്ഘാടനം ചെയ്തു. മേഖലാ ട്രഷറർ അഡ്വ. രേഖാ ജയിൻ അധ്യക്ഷനായി. ലോക്കൽ കമ്മറ്റിയംഗം പി കെ ജയപ്രകാശ്, മഹിളാ അസോസിയേഷൻ ജില്ലാ കമ്മിറ്റിയംഗം റഷീദാ ബീവി, ശ്യാമ ശിവൻ, ഷീജ ഷാനവാസ്, ബിന്ദു സുരേഷ്, ഗീത പിള്ള എന്നിവർ സംസാരിച്ചു. Read on deshabhimani.com