കേരളത്തിലെ ആദ്യ അന്താരാഷ്ട്ര റോളർ സ്കേറ്റിങ് റിങ് മാത്തൂരിൽ
പാലക്കാട് സംസ്ഥാനത്തെ റോളർ സ്കേറ്റിങ് സ്വപ്നങ്ങൾക്ക് പുതുചിറക് നൽകി ആദ്യ അന്താരാഷ്ട്ര നിലവാരത്തിലുള്ള റോളർ സ്കേറ്റിങ് റിങ്, ഹോക്കി റിങ് എന്നിവയ്ക്ക് മാത്തൂർ തച്ചങ്കാട്ടിൽ കല്ലിട്ടു. 200 മീറ്റർ നീളത്തിലുള്ള റോളർ സ്കേറ്റിങ് റിങ് കേരളത്തിൽ ആദ്യമാണ്. കേരള റോളർ സ്കേറ്റിങ് അസോസിയേഷൻ സംസ്ഥാന ട്രഷറർ കെ ശശികുമാർ കല്ലിടൽ നിർവഹിച്ചു. കുഴൽമന്ദം ബ്ലോക്ക് പഞ്ചായത്ത് പ്രസിഡന്റ് ടി കെ ദേവദാസ് അധ്യക്ഷനായി. മാത്തൂർ പഞ്ചായത്ത് പ്രസിഡന്റ് പ്രവിത മുരളീധരൻ, ജില്ലാ പഞ്ചായത്ത് അംഗം അഭിലാഷ് തച്ചങ്കാട്, പഞ്ചായത്ത് അംഗം പ്രേമദാസ്, അസോസിയേഷൻ ജില്ലാ പ്രസിഡന്റ് ഡോ. മീര, വൈസ് പ്രസിഡന്റുമാരായ അരുൾബാബു, സന്തോഷ്, സ്കേറ്റിങ് മുൻ ദേശീയ താരം അജയ് പനമ്പറ്റ്, ശശികുമാർ എന്നിവർ സംസാരിച്ചു. Read on deshabhimani.com