നിയന്ത്രണംവിട്ട് ഓട്ടോറിക്ഷ മറിഞ്ഞ് 2പേര്‍ക്ക് പരിക്ക്
കൂറ്റനാട് നായ കുറുകെ ചാടി നിയന്ത്രണംവിട്ട് ഓട്ടോറിക്ഷ മറിഞ്ഞ് രണ്ട് പേര്‍ക്ക് പരിക്കേറ്റു. ബുധൻ പകൽ രണ്ടിന്‌ കുമ്പിടി–-ആനക്കര റോഡില്‍ പുറമതില്‍ശേരിക്കു സമീപത്തായിരുന്നു അപകടം. കുമ്പിടിയില്‍നിന്ന്‌ യാത്രക്കാരുമായി കല്ലടത്തൂരിലേക്ക് പോകുകയായിരുന്ന ഓട്ടോ റിക്ഷയാണ് അപകടത്തില്‍പ്പെട്ടത്. ഓട്ടോഡ്രൈവറും കുമ്പിടിയിലെ പത്രഏജന്റുമായ താണിക്കല്‍ നോടിയില്‍ അശോകന്‍(50),യാത്രക്കാരി കല്ലടത്തൂര്‍ സ്വദേശി ബാലന്റെ ഭാര്യ വസന്ത(50)എന്നിവര്‍ക്കാണ് പരിക്കേറ്റത്. ഇവരെ എടപ്പാളിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഓട്ടോറിക്ഷയില്‍ വസന്തയുടെ ഭര്‍ത്താവ് ബാലനും മകന്‍ അഖിലും ഉണ്ടായിരുന്നു. ഇവര്‍ക്ക് പരിക്കില്ല. Read on deshabhimani.com